على كثر السنين

على كثر السنين إلي عرفتك ماعرفتك زين
تمنيت أني ما شفتك ولا لحظه ولا شويه
وآنا أقول يا رأشد لو جفت دموع العين
ولو أعيش في كوني قصة حب منسيه
ولو هي تبتعد عني وآنا ويني وهيه وين
ولو ينساني في لحظه ويديه تفارق يديه
ولو صبري نفذ صبره ابخلقي لي معه صبرين
بنات الكون ماأبيهم بعيوني بس هالبنيه
هالبنيه حيكيه غير عيونها من هل البحرين
مشيته لا مشى جنبي حلفت هالبنت شاميه
جمال ردوفها تعكس جمال العاصمه برلين
عمانيه في الكشخه خصرها شبر وشويه
أناملها وحواجبها شفإها  ويا حلى الخدين
ولو ما كنت أعرفها أقول هالبنت فرنسيه
دلوعه ولا تبي تطلب تأشر لي بالصبعين
بكلام الحضر  تتكلم وبالأفعال بدويه
بلون الحنطي تتألق بررازيلي وارجنتين
كويتيه بالوقفه و ب الأخلاق سعوديه
قطريه بعزتها وب أنقتها وب الرمشين
شرقيه بكرامتها وب الطيبه غربيه
3 أررباعها رقه وشهامتها بالثليثين
تسكت ولا جت تنطق دوم حروف مآسيه
ثلاث سنين أعشقها وتركتني في 3 سنين
حسبته انه يهواني حبيبي يموت بس فيه
تعبت أكتب يا عالم وآنا ما نمت لين الحين
يا تقول لها تررجع أو أخطفها بيديه

اي حب اي بطيخ

تكذب وانا اصدق 
وحبك جمر يحرق 
وتسالني وين الحب 
اي حب واي بطيخ 
وعدتني بالحب 
وسلمتلك هالقلب 
ممكن انا  وانته 
نسنرجع التاريخ 
فاكر 3 سنين 
قلي عهدنا وين
فاكر يا كذاب 
كله الم وصريخ 
تحلف تقول ما انساك
وبقضي حياتي معاك 
بس انت انا وياك 
ضحكتني يا شيخ 
كذاب يا كذاب 
ما ينفع الم وعتاب 
ولا ينفعك اي شي 
ولا ينفع التوبيخ 
عفيه عليك شلون 
كل كذبه شكل ولون 
تعرف تصف الكذب
وتنوخ التنويخ 
تدري بقولك شي 
من حبك انا وش لي
في صدري اااه واااخ  
وبراسي طاخ وطيخ 
خلاص انا بنساك 
شالفايده اهواك 
كذاب نعم كذاب 
يالله انقلع يا شييييخ

الشاعر،،،
فيصل الهلالي"

اقسم بالله كذابه

تحبيني؟ اي والله احبك واعشق عيونك
تنسيني؟ حشاء لله كيف انسى انا نفسي
تخونيني؟ ابد والله معقوله انا اخوووونك
تعزيني؟ نعم بالله اعزك وانت لي همسي
تعشقيني؟ قسم بالله عشقي في سماء كونك
تتركيني؟ يا مجنون كيف اترك انا حسي
تصونيني؟ وعهد الله لحد الموت اصونك
تهمليني؟كيف اهملك! وانته ظلي وشمسي
3سنين يوهمني مستحيل اعيش من دونك
واثاري في 3 سنين نلعب لعبة الكرسي
3 سنين وانا اقولك عيوني وروحي يفدونك
ابد ما كنت متوقع سوسك ينخر بضرسي
خنتيني ونسيتيني وتركتي عشق مجنونك
هملتيني وكسرتيني عديم احساس ماتحسي
جرحتيني ذبحتيني اصيح الاه يا عونك
بديتيني نهيتيني ولا تعلمت من درسي
تحبيني؟لا والله! وش اخبارك وشلونك
تخونيني؟اي والله خسرت بلعبة الكرسي
ليتك قلت من اول ولا تعلقت بعيونك
ليتك قلت من اول ولا حبي عليك يرسي

وحشني

وحشني صوتك الجذاب لا منك تنادينيي
وحشني كل شي فيك عيونك روعة احساسك
وحشني فيك غمزاتك بضحكك كنت تمليني
وحشني عطرك الفواح وحشني عطر انفاسك
وحشني لا قلت لك ميت ببوسه كنت تحييني
وحشني لا قلت لك عشقي انا كلي فدا ساسك
وحشني لا قلت لك خايف تحضنيني تهديني
وحشني لا قلت لك اسف وقمت وبستلك راسك
وحشني لا تبي تزعل تقطعيني وتكرهيني
وحشني لا تبي ترضى تقول كلي فدا ناسك
متى ترجع انا صابر ما ودك تراضيني
متى ترجع انا ناطر شربت الهم من كاسك
متى ترجع انا مكسور معقوله تكسريني
متى ترجع انا مقهور شربت الضيم من باسك
متى ترجع صرخت الاه نسيتي عشرة سنيني
نسيتي حرفي وحرفك نقشته بورق كرأسك
نسيتي كل أحلامي وأمالي وهملتيني
صرتي شوك في دربي وقلبي مشى وداسك
وحشتيني متى ترجع معقوله تجرحيني
متى ترجع وحشني صوت إحساسك

كيف اتوب

يا هيامي ويا جنوني ويالغرااااااااام
يا حلاوه لا ذقتها بلساني تذوووب
لو ألف الكون ما مثلك هياااااااااااام
لو ما أحبك أكون إنسان كذوووب
لا لقيتك من هيبتك أنسى الكلاااااام
ولا حضنتك كيف من حضنك آتوب
الحرام لا تبتعد عن شوفي حراااااام
يا أجمل سنيني يا إحلى الدرووووب
من تبتعد ينقلب صبحي ظلااااااااام
مأسالت الشمس عن وقت الغروب؟
لا ضحكتي تصبح أيامي تماااااااام
يا جنوني يا غلا شوق القلوووووب
يا سلام لا بأن ثغرك يا سلااااااام
انت واحد من البشر خالي عيوووب
ﯾا عنود الغيد يا شدون ويا آرااااااام
لو كنت ذنبي انت من إحلى الذنوب

ريقها كافي لاتيه

حتى عيونه ما تليق الى عليه
لو هي ب غيره كان ما حبيتها
اخ منه واخ من لمسة يديييه
ادمنتها حبيتها حبيتها وادمنتها
لو يلوموني العواذل غيره ما ابيه
ولو يقولون يتغلى اقول اغليتها
عطر انفاسها عود فل وكركديه
اذوب فيني لا من شميتهههها
صدراها شامخ وطاهر نززززيه
اسنانها لؤلؤ مع اللؤلؤ يخرب بيتها
ريقها سكر مذوب مع كافي لاتيه
اموت مليون مره لو اذيتهههها
مشيته لا من مشى تاتيه تاتيه
قايده للريم معشوقتي سميتها
ردفها صافي اخ منه ولبييييه
لو عيوني تشوف غيره اعميتها
لو قالت احبك اترك العالم واجيه
لو تبي روحي هديه اهديتهها
احبها بدون ليش وبدون ليه
ليتها تكون في حضني ليتهها

الشاعر`` فيصل الهلالي

غريب

غريب وغربتي تقطع القلب
وزود على الغربه فراقج يائمه
قالوا تحب أي ؤالله أحب
حضن أمي وين حضنها إضمه
في غربتي لا أم حولي ولا أب
في غربتي الكل همه في همه
في غربتي صرت شائب ؤانا شب
في غربتي الورد عائف إشمه
قالوا بترتاح ؤانا كل يوم أتعب
غربتي ثعبان ؤانا أذوق سمه
في غربتي مجروح وشلون أهرب
في غربتي مسرى حياتي في ظلمه
شربت كأس الهم كل يوم إشرب
يمه وليدج طاح وينج ﯾا يمه
يمه وصيتي لج إذا موتي تقرب
يمه لا تبكين أرجوووووج يمه
صلي وادعي ﻟ̲ي وقولي ﯾٱہڕبّ
ولاكن قبل أموت مشتأق ضمه